عێراق
عیراقێ ب بهایێ پتر ژ 17 ملیۆن دۆلاران ئیندۆمی هاتیە ئینان
2025-04-18 , 07:38
کوردستان دهوك دیجیتال میدیا
پسپۆرەکێ ئابووری دیار دکەت کو سالا بۆری عیراقێ ب بهایێ 17.7 ملیۆن دۆلاران ئیندۆمی هاتیە ئینان، کو بوویە ئەگەرێ سەرسوڕمانا بانکا فیدرالی یا ئەمریکا.
نەبیل مەرسومی، پسپۆرێ بوارێ ئابووری راگەهاند، ل دویڤ داتایێن دەستەیا گشتی یا گومرکان، عیراقێ د سالا بۆری دا ل هەمی دەرگەهێن سنووری بێی یێن هەرێما کوردستانێ، 64 هزار و 185 تۆن ئیندۆمی ب بهایێ 17.7 ملیۆن دۆلاران هاتیە ئینان، کو ئەڤە ب بەراورد دگەل سالا 2022 ب رێژا 18٪ زێدە بوویە.
هەروەسا گۆت: دبیت بهایێ هینانا ئیندۆمی گەلەک پتر بیت ژ ڤێ ژمارێ و دبیت د پاشەرۆژێ دا 50 ملیۆن دۆلاران دەرباز بکەت.
وی هەروەسا دیار کر کو بانکا فیدرالی یا ئەمریکا سەرێ وان ژ ڤێ ژمارێ سوڕمایە و پرسیار کرینە، کا ئەرێ عیراقی ب ڤێ رادێ حەز ژ ئیندۆمی دکەن؟ یان ئەڤە ئامرازەکە بۆ دەرئێخستنا پارە ب قاچاخی.