کوردستان
کارەبا یا سۆران: د حوزەیرانێ دا کارەبا ل هەمی گەڕەکێن سۆرانێ دێ بیتە 24 دەمژمێر
2025-04-17 , 12:18
کوردستان دهوك دیجیتال میدیا
رێڤەبەرێ گشتی یێ کارەبا سۆرانێ راگەهاند، ئامادەکاری کرینە د مەها 6 یا ڤی سالێ دا، کارەبا یا هەمی گەڕەکێن ناڤەندا باژێرێ سۆرانێ دێ بیتە 24 دەمژمێر.
دووشەمب 13ێ 1ێ 2025، ئەندازیار ئەردەوان ئیبراهیم، رێڤەبەرێ گشتی یێ کارەبا سۆرانێ بۆ رووداو راگەهاند: "مە دەستویری ژ ئەنجوومەنا وەزیران وەرگرتیە و د مەها 6 یا ڤی سالێ دا، کارەبا یا هەمی گەڕەکێن ناڤ باژێرێ سۆرانێ دێ بیتە 24 دەمژمێر."
ب گۆتنا رێڤەبەرێ گشتی یێ کارەبا سۆرانێ، نێزیکی 86 هزار و 239 هزار هەڤپشک یێن کارەبایێ ل ئیدارا سەربەخۆ یا سۆران و دەڤەرێن دۆر هەنە. ئەڤ ژی ل سەر پێنج پۆلان دابەش دبن، ژوان مال، بازرگانی، پیشەسازی، میری و چاندنێ.
ئەندازیار ئەردەوان ئیبراهیم گۆت، "وەک پاکێجا ئێکێ، کارەبا یا ناڤەندا باژێرێ سۆرانێ دێ بیتە 24 دەمژمێر. پشتی هنگێ ئەم دێ پرۆژێ بۆ دەڤەرێن دۆر و قەزایێن ئیدارا سەربەخۆ یا سۆرانێ ڤەگوهێزین."
دەربارەی دەمژمێرێن کارەبا یا نیشتمانی ل سۆرانێ، رێڤەبەرێ گشتی یێ کارەبا قەزایێ گۆت، پێدڤی ب 300 مێگاوات کارەبایێ هەیە، لێ 100 مێگاوات کارەبا ددەنێ، لەوما نوکە ب گشتی رۆژانە 8 دەمژمێر کارەبا ددەنە هەڤوەلاتیان.
ب گۆتنا رێڤەبەرێ گشتی یێ کارەبا سۆرانێ، هەڤپشکێن کارەبایێ ل ئیدارا سەربەخۆ یا سۆرانێ هەتا نوکە 78 ملیار دینار دەیندارن. د سالا 2024 دا، پتر ژ 12 ملیار و 452 ملیۆن دینار ژ وان هەڤپشکان هاتیە وەرگرتن. شێوازێ وەرگرتنا پارێ کارەبایێ ژی ب تایبەت ژ پۆلا بازرگانی، ب قیست و ب چار قیستان ژێ تێ وەرگرتن. هەروەسا پۆلا مالان ژی پارێ مەهانە ددەن و بەشەک ژی ژ وی دەینی یێ ل سەر وان کۆم بووی، ئەو ژی ددەن.
رێڤەبەرێ گشتی یێ کارەبا سۆرانێ داخواز ژ هەڤوەلاتیان دکەت، دگەل دەستپێکرنا پرۆژا رووناهیێ، پێدڤیە هەڤوەلاتی دەینێن خۆ بدەن (پاقژ بکەن) هەتا ئەگەر ب قیست ژی بیت، دا د دەمێ پرۆژا رووناهیێ دا زەخت ل سەر وان چێ نەبیت.