عێراق

ڕێككه‌فتنا نه‌فتی یا هه‌رێم و به‌غدا: حكومه‌تا عێراقێ ٩٠ هزار به‌رمیلێن نه‌فتێ وه‌ردگریت

کوردستان دهوك دیجیتال میدیا

هه‌ولێر، كوردستان - پشتی دانوستاندنێن به‌رده‌وام، حكومه‌تا عێراقێ ڕازیبوونا خۆ نیشاندا كو ٩٠ هزار به‌رمیلێن نه‌فتا به‌رهه‌مئینای ژ كێلگه‌هێن هه‌رێما كوردستانێ وه‌ربگریت. ئه‌ڤ پێنگاڤه‌ وه‌ك هه‌وڵه‌ك بۆ چاره‌سه‌ركرنا كێشه‌یێن دارایی و نه‌فتی یێن د ناڤبه‌را هه‌رێم و به‌غدا دا دهێته‌ دیتن.

ل دویڤ ڕاگه‌هاندنه‌كا وه‌زیرێ نه‌فتێ یێ عێراقێ، به‌رهه‌مئینانا نه‌فتێ ل هه‌رێما كوردستانێ ژ ئه‌گه‌رێ هێرشێن درۆنان كێم بوویه‌ و نوكه‌ گه‌هشتییه‌ نێزیكی ١٤٠ هزار به‌رمیلان ڕۆژانه‌. ژێده‌ره‌ك ژ وه‌زاره‌تا نه‌فتا عێراقێ ئاشكرا كریه‌ كو پشتی هێرشان، شیانێن به‌رهه‌مئینانێ ب ته‌نێ گه‌هشتینه‌ ٨٠ هزار به‌رمیلان.

ژ كۆیێ گشتی یێ به‌رهه‌مئینانێ، دێ ٥٠ هزار به‌رمیل بۆ پێدڤیێن ناڤخوه‌ یێن هه‌رێما كوردستانێ هێنه‌ بكارئینان. ل دویڤ ڕێككه‌فتنێ، پشکا مای دێ ڕاده‌ستی حكومه‌تا فیدرال هێته‌ كرن.

د هه‌مان ده‌م دا، بۆ به‌رده‌وامی دانا ب دانوستاندن و كارێن ته‌كنیكی، كارێ لژنه‌یێن هه‌ڤبه‌ش یێن د ناڤبه‌را هه‌رێم و به‌غدا دا بۆ ده‌مێ حه‌فتیه‌كێ هاته‌ درێژكرن. ئه‌ڤ لژنه‌ به‌رپرسن ژ چاودێری و بجهئینانا خالێن ڕێككه‌فتنێ.