کوردستان
رۆژناما عەرەبییا نوو: بافل تالەبانی سازیێن ئەولەهیێ بۆ ژناڤبرنا نەیارێن خۆ بکار تینیت
2025-10-19 , 00:59
کوردستان دهوك دیجیتال میدیا
لاهور شێخ جەنگی د دەمێ گەمارۆدانا خۆ دا ب رێکا تۆمارەکا دەنگی راگەهاندییە کو گومان ژ یاساییبوونا بریارێ هەیە و ب دیتنا وی بریار راستەوخۆ ژلایێ بافل تالەبانی ڤە دەرچوویە، ژبەرکو لدیڤ گۆتنا وی "چ حکومەت ل سلێمانیێ نینە."
ژلایەکێ دیڤە: رۆژنامەیێ ژ زارێ چەندین ژێدەرێن سیاسی ل سلێمانیێ ڤەگوهاستییە کو "بافل تالەبانی هەول ددەت هەمی دەنگێن نەیار بێدەنگ بکەت، ب ئارمانجا ب دەستڤەئینانا پترینیا دەنگێن پارێزگەهێ د هەلبژارتنێن بهێت دا". هەروەسا، راپۆرت بەحس ل وێ یەکێ دکەت کو بەرهەم سالح و مەلا بەختیار هاتینە ئاگەهدارکرن کو ئەگەر هەیە ببنە ئارمانج ئەگەر هەر جموجۆلەکا سیاسی بکەن.
پێشینە: ئێڤارا رۆژا پێنجشەمبی ٢١-٨-٢٠٢٥، هێزێن ئەولەهیێ یێن سلێمانیێ دەوروبەرێن جهێ ئاکنجیبوونا لاهور شێخ جەنگی، سەرۆکێ بەرەیا گەل، ل لالەزارێ گرتن و پشتی گرژی و ئالۆزیان، بەرەبەیانا رۆژا ئەینیێ لاهور شێخ جەنگی، پولادێ برایێ وی، رێبوار حامی حاجی غالی، فەرماندەیێ هێزا دووپشک و ب دەهان چەکدارێن سەر ب وێ هێزێ ڤە هاتنە دەستەسەرکرن.