کوردستان

دەزگەهێ خێرخوازی یێ بارزانی نووترین ئامارێن هاریکارییان ل رۆژئاڤایێ کوردستانێ بەلاڤکرن

کوردستان دهوك دیجیتال میدیا

KD NEWS
دەزگەهێ خێرخوازی یێ بارزانی، د بەردەوامییا کار و چالاکییێن خوە یێن مرۆڤی دا بۆ هەوارچوونا لێقەومایێن رۆژئاڤایێ کوردستانێ، ڕاپۆرتا خوە یا هژمارە (10) دەربارەی قەبارە و جۆرێ هاریکارییان بەلاڤکر.

ل دویف ئامارێن دەزگەهی کو هەتا دەمژمێر 12ی شەڤا 2/2/2026 هاتینە نووکرن، خزمەتگوزاری د چەندین سێکتەرێن جودا دا پێشکێشی خەلکێ دەڤەرێ هاتینە کرن کو ب ڤی ڕەنگی نە:

کەرتێ خوارنێ و هاریکارییێن گشتی:
د ڕاپۆرتێ دا هاتییە دیارکرن کو هەتا نوکە 59,375 ژەمێن خوارنا گەرم ب سەر وەلاتییێن ئاکنجی د ناڤ 296 قوتابخانە و 17 مزگەفتان دا هاتینە بەلاڤکرن. هەروەسا 9,664 خێزانان ژ هاریکارییێن جۆراوجۆر مفا وەرگرتییە کو پرۆسەیا دابەشکرنێ 178 قوتابخانە و 12 مزگەفت ڤەگرتینە.

کەرتێ سوتەمەنیێ:
بۆ پاراستنا وەلاتییان ژ سەرمایا زستانێ، دەزگەهێ خێرخوازی یێ بارزانی بڕێ 325,582 لیترێن گازوایلێ (مازوت) بەلاڤکرینە. د ڤێ پڕۆسەیێ دا 8,908 خێزانان مفا وەرگرتییە، هەروەسا سوتەمەنی بۆ ئاکنجییێن 234 قوتابخانە و 12 مزگەفتان هاتییە دابینکرن.

تەندروستی و لۆجستی:
تیمێن تەندروستی یێن دەزگەهی د ناڤ 73 قوتابخانەیێن جودا دا خزمەتگوزاریێن پزیشکی پێشکێشکرینە و هەتا نوکە 5,582 کەسان مفا ژ ڤان خزمەتگوزارییان وەرگرتییە.

د پشکا لۆجستی دا، ئاماژە ب وێ چەندێ هاتییە کرن کو هەتا نوکە 321 بارهەلگرێن هاریکارییان گەهشتینە رۆژئاڤایێ کوردستانێ. هەروەسا دەزگەهی شیایە دەلیڤەیا کاری بۆ 655 کەسان ژ خەلکێ دەڤەرێ پەیدا بکەت دا کو د دابەشکرنا هاریکارییان دا پشکدار بن.

دەڤەرێن مفا وەرگرتی:
ئەڤ هاریکارییە ب سەر باژێر و باژێرۆکێن (قامشلۆ، دێریک، حەسەکە، گرکێلەکێ، تربەسپی، عامودا و دەرباسیێ) دا هاتینە دابەشکرن.