ئابووری

بهایێن په‌ترۆلێ بلند دبن

کوردستان دهوك دیجیتال میدیا

بهایێن په‌ترۆلێ د بازارێن جیهانى دا ل ئێڤاریا ئه‌ڤرۆ دوشه‌مبیێ بلند بوون و بهایێ به‌رمیله‌كێ برێنت چوو د سه‌ر 82 دۆلاران دا.

بلندبوونا بهایێن په‌ترۆلێ پشتى راپۆرته‌كا رێكخراوا ئوپێك هات كو وێ راپۆرتێ نیگه‌رانیێن ل دۆر كێمبوونا داخوازیا ئه‌مریكا و چینێ ل سه‌ر په‌ترۆلێ كێمكرن.

ئاژانسان به‌لاڤكرینه‌؛ بهایێ په‌ترۆلا برێنت د گرێبه‌ستێن پاشئێخستى دا ب 73 سه‌نتان بلندبوو و بهایێ به‌رمیله‌كێ گه‌هشته‌ 82.16 دۆلاران، ئه‌ڤ چه‌نده‌ هات پشتى بهایێ په‌ترۆلا برێنت د سه‌ره‌ده‌ریێن سپێدێ دا ب دۆلاره‌كێ كێمبووی.

هه‌روه‌سا بهایێ په‌ترۆلا خاڤا رۆژئاڤایێ تێكساس یا ناڤنجى یا ئه‌مریكى ب 70 سه‌نتان بلند بوو و بهایێ به‌رمیله‌كێ گه‌هشته‌ 77.87 دۆلاران.

بهایێن په‌ترۆلێ ئه‌ڤرۆ شیان تا رادده‌یه‌كێ قه‌ره‌بۆیا زیانێن رۆژێن بۆرى بكه‌ن، لێ د سه‌ر وێ چه‌ندێ را، ل سه‌ر بنیاته‌كێ حه‌فتیانه‌ ب رێژه‌یا 4% نزمبووینه‌ و بۆ حه‌فتیا سیێ ل دویڤ ئێك خوساره‌تى تۆماركرینه‌.
ئوپیك
د راپۆرته‌كێ دا دیاركربوو كو بنیاتێن بازارێ په‌ترۆلێ هێشتا ب هێزن.