کوردستان

راگەهاندنەک ژ حکومەتا هەرێما کوردستانێ

کوردستان دهوك دیجیتال میدیا

حكومه‌تا هه‌رێمێ راگه‌هاند كو وێ هه‌مى پێگیریێن خۆ بجهئیناینه‌ و هه‌رێما كوردستانێ پرۆژه‌یێ خۆ ل دۆر هه‌مواركرنا یاسایا بودجه‌یێ پێشكێشى حكومه‌تا ئیراقێ كریه‌.

حكومه‌تا هه‌رێما كوردستانێ داخواز كر پشكا هه‌رێما كوردستانێ و مووچه‌یێن مووچه‌خۆرێن هه‌رێمێ وه‌كى هه‌مى ده‌ڤه‌رێن ئیراقێ بهێنه‌ هنارتن.

جڤاتا وه‌زیرێن هه‌رێما كوردستانێ ئه‌ڤرۆ چارشه‌مبیێ ب سه‌رپه‌رشتیا مه‌سروور بارزانى سه‌رۆكێ حكومه‌تێ و ب به‌رهه‌ڤبوونا قوباد تاله‌بانى جێگرێ سه‌رۆكوه‌زیرى كۆمبوو.

به‌رانبه‌ر دابینكرنا بودجه‌یا هه‌رێما كوردستانێ وه‌كى د ده‌ستوورى دا هاتیه‌ جێگیركرن نینن".

جڤاتا وه‌زیرێن هه‌رێمێ ئاماژه‌ ب وێ چه‌ندێ كر "ئه‌وا ل سه‌ر هه‌رێما كوردستانێ وه‌كى پێشكێشكرنا زانیاریان ل دۆر میلاكێ گشتى و داهات و خه‌رجیێن هه‌رێمێ و ڤه‌كرنا ده‌رگه‌هـ و تۆمارێن سازیێن هه‌رێمێ
هه‌ر ل گۆره‌ى به‌یانا حكومه‌تێ "سه‌رۆكوه‌زیرێ هه‌رێمێ ب ناڤێ جڤاتا وه‌زیران پرسه‌ و سه‌رخۆشى ل بنه‌مال‌ و كه‌سوكارێن شه‌هید پێشره‌و دزه‌یى و هه‌مى شه‌هیدێن دى كر كو بووینه‌ قۆربانیێن هێرش و زۆلم و سته‌مه‌كا گه‌له‌ك مه‌زن ل دژى خه‌لكێ هه‌رێما كوردستانێ".

هه‌ر ل گۆره‌ى به‌یانا حكومه‌تێ "هه‌رێما كوردستانێ دبینت كو ژ به‌ر بجهئینانا وێ بۆ پێگیریێن وێ، پێدڤیه‌ به‌شه‌ بودجه‌ و مووچه‌یێن مووچه‌خۆرێن هه‌رێمێ وه‌كى سه‌رانسه‌رى ئیراقێ بهێنه‌ هنارتن  كو مووچه‌خۆرێن هه‌رێمێ ژ به‌ر ڤێ گیرۆبوون و به‌هانه‌یان و رێكاران، ده‌مه‌كێ درێژه‌ مووچه‌یێن وان گیرۆبووینه‌ و كارتێكرنا ئێكسه‌ر ل سه‌ر ژیان و ژیارا وان كریه‌".

جڤاتا وه‌زیران داخواز ژ حكومه‌تا ئیراقێ كر هه‌مواركرنا بودجه‌یێ ب وێ شێوه‌یێ رێككه‌فتن ل سه‌ر هاتیه‌ كرن بهێته‌ په‌سه‌ندكرن و ره‌وانه‌ى په‌رله‌مانى بهێته‌ كرن بۆ په‌سه‌ندكرنێ دا كو وه‌لاتیێن هه‌رێما كوردستانێ ژ به‌ر بێ بودجه‌یى و بێ مووچه‌ییێ زیانێن پتر نه‌گه‌هنێ و چاره‌سه‌ریا بنه‌ره‌تى یا ڤى بابه‌تى بهێته‌ كرن.