کوردستان
بڕیارەك بۆ وان کەسێن د تەمەنێ 65 سالیی دا دچنە خانەنشینی هاتە دان
2026-10-14 , 17:53
سەرۆکایەتیا ئەنجوومەنێ وەزیران، ب فەرمانەکا مەسرور بارزانی سەرۆکێ ئەنجوومەنێ وەزیران، بڕگەکا تایبەت ب ڕێنمایێن یاسا خانەنشینییا هەموارکری ڤە هەموار کر و بازنەیا مفاداربوویان د درێژکرنا تەمەنێ خانەنشینی بۆ 65 سالیی بەرفره‌تر کر.
ل دۆف فەرمانا نۆیا ئەنجوومەنێ وەزیران، ب ژمارە (١١٧٦٠) ل رۆژا 17ا ئەیلولێ، بڕگا (سێیەم/٢) ژ فەرمانێن بەرێ هاتییە هەموارکرن. د دەقێ هەموارکری دا بڕیار هاتییە دان، کو مافێ درێژکرنا تەمەنێ خانەنشینی بۆ 65 سالیی، ژ بلی کەس و کارێن شەهیدێن هەرێما کوردستانێ، ڤان توێژێن ل خوارێ ژی ل خۆ بگریت:
* ئەو فەرمانبەرێن کەس و کارێن پلە ئێک و پلە دوو یێن شەهیدێن کوردێن فەیلی نە.
* ئەو فەرمانبەرێن کەس و کارێن پلە ئێک و پلە دوو یێن ئەو شەهیدانەن، کو ل دۆف یاسا دەزگەهێ شەهیدان یێ (ئیتیحادی) ژمارە (2) یێ سالا 2016 یا هەموارکری تۆمارکری نە.
رووژەلای ل فەرمانێ دوپاتی ل وێ چەندێ هاتییە کرن، کو مەرجێ سەرەکی بۆ مفاداربوونا وان فەرمانبەران ژ ڤی بڕیاری، پێشکێشکرنا بەڵگەیێن فەرمی یە ژ لایێ دەزگەهێ ناڤبری ڤە ب مەرەما پشتڕاستکرنا دۆسییەیێن وان.