جیهان
فڕۆكه‌كا ئێف 16یا ئه‌مه‌ریكی كه‌فته خوارێ
2026-10-12 , 01:05
سوپایێ ئه‌مه‌ریكا بڵاڤكر، كو فڕۆكه‌يه‌كا جه‌نگی ژ جۆرێ ئێف 16یا سەر ب بنكا سپانگدالیم یا ئاسمانی ل رۆژئاڤایێ ئەلمانیا شکەست و كەفته خوارێ، بێ كو فڕۆكەڤان تووشی چ زیانان ببە.
ل دۆر راگەهاندنەکا سوپایێ ئەمه‌ریكایێ هاتییە، بەر ژ وێ چەندێ فڕۆكە ب تەمامی بشکەڤت، خۆشبەختانە فڕۆكەڤانی شییا ب پەڕەشووتێ خۆ فرێ دەتە خوارێ و پاشی ژی هاتە دیتن و چارەسەری و چاڤدێریا پزیشکی بۆ هاتە کرن، هەروەسا تیمێن فریاکەتنێ دەست ب کارکرنێ ل جهێ کەتنا فڕۆکەی کر.
ئاماژە ب وێ چەندێ ژی کر، فڕۆکە د رێکا ڤەگەرێ دا بوو بۆ بنکا ئاسمانی یا سپانگدالیم، پشتى گەشتەکا رۆتینی و کورت کو سێ فڕۆکەیێن جەنگی یێن دی ژ جۆرێ ئێف 16 دگەل دا بوون، دەمێ رووداو روودای و فڕۆکە جەنگی کەفتە خوارێ.
هەر سێ فڕۆکەیێن جەنگی یێن دی ب سەلامەتی گەهشتنە ڤە بنکا سەربازی یا رامشتاین.
ل دووماهییا ڕاگەهاندنا سوپایێ ئەمه‌ریكایێ هاتییە، دەست ب ڤەکۆلینەکا ورت دکەین بۆ دەستخستنا ئەگەرێن پاش کەتنا خوارێ و شکەستنا وێ فڕۆکا جەنگی یا ئه‌مه‌ریكی.